西裝跑，唔駛跑得快，最緊要跑得「型」 多謝300幾位參加者悉心打扮盛裝出席今日西裝跑。多謝你哋成全咗我哋一個心願。 今日可以同大家一齊玩咗一個朝頭早，感覺實在太興奮。 而家要搞一個跑步比賽就越嚟越難，更何況係一個西裝跑。 一直都有呢個念頭，亦都多次嘗試着西裝跑長跑。但係要搞一個着西裝跑嘅路跑比賽、可能係一年前會俾人覺得係講笑笑、係衝動。 如果單從生意角度嚟講，攪一次咁樣嘅西裝跑好可能得不償失，咁點解又要搞呢？ 有時候我哋都問自己，係咪每一個賽事都要有盈利先至可以搞呢？ 其實今次西裝跑我哋帶住一份不顧一切嘅執着，無論如何都要搞好呢個賽事。可以為自己喜歡做嘅事而努力及付出，有何不可？ 今日呢個西裝跑，仍然有好多瑕疵，不足之處比比皆是。要改進嘅地方多不勝數。好多謝每一位參加者對我哋嘅包容及支持。有你哋嘅支持我哋先至可以繼續任性落去。 請容許我哋向你保證，第二屆西裝跑一定會比今次攪得更加好玩，期待有更加多嘅參加者加入我哋行列，一齊投入西裝跑，跑得最「型」 ！ 你哋明年仲會唔會再玩呀？
12月15日香港癌症基金會抗癌大步走活動順利完成。 天氣清爽，氣氛歡樂熱鬧。感謝香港癌症基金會信任及支持，給予我們機會去協辦這個活動。多謝各個贊助商、每一位參加者及工作人員。
沙田地區康健站主辦的#健康行返嚟2024活動已順利結束。閉幕禮於馬鞍山新港城中心舉行，香港復康會總監吳玉敏女士及項目統籌周瑞玲女士出席。活動邀請多位嘉賓，包括青年商會現任及侯任會長、各機構代表及醫療專業人士，共同見證活動成果。
由香港復康會中西區地區康健站主辦的健康行返嚟2024在2024年10月19日於山頂盧吉道舉行，活動照片已經陸續上載到Movepic，大家可以憑號碼簿或面容偵測去找尋相片 。
5月19日西九龍文化區舉行的香港精英運動員慈善基金毅力12愛心跑活動照片已經陸續上載到 www.movepic.net ，參加者可以憑號碼簿號碼或者人面辨識去找尋相片。